ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ការតស៊ូរបស់កីឡាការិនី ប៊ូ សំណាង ធ្វើឱ្យសម្តេចតេជោ និងភរិយា រំជួលចិត្តផ្តល់ប្រាក់លើកទឹកចិត្តចំនួន ១ម៉ឺនដុល្លារ

  • ចុះផ្សាយថ្ងៃទី១០ ខែឧសភា ឆ្នាំ២០២៣ ម៉ោង ១៤:៣២ នាទី ដោយ Sao SokEng
  • 1660
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានកោតសរសើរដល់ការខិតខំប្រឹងប្រែងរបស់កីឡាការិនី ប៊ូ សំណាង ដែលប្រកួតលើវិញ្ញាសារត់ចម្ងាយ៥ពាន់ម៉ែត្រ ក្រោមដំណក់ទឹកភ្លៀងទាំងស្រក់ទឹកភ្នែករហូតដល់គោលដៅដោយមិនបោះបង់ការប្រកួត បើទោះបីខ្លួនរត់មកដល់ទីចុងក្រោយក៏ដោយ។

កីឡាការិនី ប៊ូ សំណាង រត់បណ្តើរ ស្រក់ទឹកភ្នែកបណ្តើរ បណ្តាលឱ្យមហាជនរំជួលចិត្ត និងបានលើកទឹកចិត្តដល់កីឡាការិនីរូបនេះកុំឱ្យបាក់ទឹកចិត្តបើទោះបីមិនបានឈានដល់វគ្តបន្តក៏ដោយ។ ការនេះក៏បានធ្វើឱ្យសម្តេចតេជោរំជួលចិត្តផងដែរ ដោយសម្តេចតេជោបានប្រកាសពីប្រទេសឥណ្ឌូណេស៊ីថា សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់ថវិកាលើកទឹកចិត្តដល់កីឡាការិនី ប៊ូ សំណាង ចំនួន ១ម៉ឺនដុល្លារ។

សម្តេចបានថ្លែងនៅក្នុងឆាណែលតេឡេក្រាមដូច្នេះថា៖ «បើទោះជាខ្ញុំកំពុងប្រជុំកំពូលអាស៊ាននៅឥណ្ឌូនេស៊ីតែខ្ញុំក៍នៅបន្តតាមដានការប្រកួតកីឡាស៊ីហ្គេមលើកទី៣២នៅកម្ពុជាយើងបានដែរ។ រឿងដែលគួរឲ្យចាប់អារម្មណ៍គឺកីឡាការិនីប៊ូ សំណាងរត់ក្រោមដំណក់ទឹកភ្លៀងរហូតដល់ទីបញ្ចប់ទោះបីជាខ្លួនមិនជាប់ចំណាត់ថ្នាក់ក៍ដោយ។ ដើម្បីលើកទឹកចិត្តសម្រាប់ការអត់ធ្មត់ខ្ញុំនិងភរិយាសូមជួយឧបត្ថម្ភ ១ម៉ឺនដុល្លារ (10,000$)។សូមលោកសេង ទៀងយកថវិការជូនកូនស្រី ប៊ូ សំណាង ដោយផ្ទាល់ដៃ»។

ក្រៅពីសម្តេចតេជោ កាលពីព្រឹកថ្ងៃទី១០ ខែឧសភា នេះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានអញ្ជើញកីឡាការិនី ប៊ូ សំណាង ជួបសម្តែងការគួរសម ហើយលោកក៏បានផ្តល់ថវិកាលើកទឹកចិត្តចំនួន ១លានរៀល និងថវិកាចំនួន ៧លានរៀលពីស្ថាប័ននានាផងដែរ។ បន្ថែមពីនេះ ឧកញ៉ា ស្រី ចាន់ថន ក៏បានប្រកាសផ្តល់ថវិកាលើកទឹកចិត្តចំនួន ៥លានរៀលដល់កីឡាការិនី ប៊ូ សំណាង ផងដែរ៕


ព័ត៌មានជាច្រើនទៀតសម្រាប់អ្នក